ბორჯომში ხანძრის შედეგად დაზარალებულ 2 ოჯახს მერია დაეხმარა

ბორჯომში ჩარხისწყლის დასახლებაში კომერციულ ფართში ხანძარი 7 ივლისს გაჩნდა. შედეგად დაიწვა კიდევ ორი საცხოვრებელი სახლი.

ბორჯომის მუნიციპალიტეტის მიერ მოწვეულმა აუდიტმა ორი ოჯახის ზარალი 17 127 ლარად შეაფასა.

„ორივე ოჯახს აუნაზღაურდება ზარალის 70% და გადაეცემა შესაბამისი ფულადი თანხა. ერთ ოჯახს 7 451 ლარი, ხოლო მეორეს 4 531 ლარი “, – განაცხადეს ბორჯომის მუნიციპალიტეტის მერიაში.

ხანძრის შედეგად თითქმის სრულად დაიწვა კომერციული ფართიც, თუმცა მეპატრონის დასახმარებლად თანხა მერიას არ გაუთვალისწინებია.

"იურიდიული პირია, ბიზნესია და მერია ვერ აანაზღაურებს“, – განგვიმარტეს მერიაში.

შინაგან საქმეთა სამინისტროში ამბობენ, რომ მომხდარზე გამოძიება ჯერ არ დასრულებულა და ისევ 187–ე მულხით მიმდინარეობს, რაც სხვისი ნივთის დაზიანება ან განადგურებას გულისხმობს, რამაც მნიშვნელოვანი ზიანი გამოიწვია.

[ნუკა სტეფნაძე]