ხანძრით დაზარალებულ ორ ოჯახს ახალციხის მერია 3000 ლარით ეხმარება

მერიაში აცხადებენ, რომ დაზარალებულებს თანხა დღეს, 1 სექტემბერს ჩაერიცხებათ. მერიის გადაწყვეტილებას წინ ერთ–ერთი დაზარალებულის მერიაში ვიზიტი უსწრებდა.

თემურ გოგოლაძემ, რომელსაც მერიაში დახმარების თხოვნით განცხადება ჰქონდა შეტანილი, მერიას დღეს ამბის გასაგებად მიაკითხა.

„სამხრეთის კარიბჭეს“ მერიაში განუცხადეს, რომ თანხის გადარიცხვის პროცედურა უკვე დაიწყეს და დაზარალებულ ოჯახებს 1500–1500 ლარი პირად ანგარიშებზე დღეს დაერიცხებათ.

შეგახსენებთ, 14 აგვისტოს, კოსტავას N9–ში მდებარე კორპუსში ხანძარი ორ სახლს გაუჩნდა. დაიწვა აივნები და კორპუსის სახურავის ნაწილი. სახანძრო–სამაშველო სამსახურის თანამშრომლებმა ცეცხლის ლიკვიდირება მალევე შეძლეს.

[ნანა მიქელაძე, თეონა თაბუნიძე, ახალციხე]