ხანძრის შედეგად დაზარალებულ ოჯახს მერია დაეხმარება

ხანძრის შედეგად დაზარალებული ოჯახი ახალციხის მერის წარმომადგენელმა ნუგზარ თამარაშვილმა მოინახულა და დახმარებას დაპირდა.

„სპეციალური კომისია ზარალს დაითვლის და ამის შემდეგ ოჯახს დავეხმარებით 1500 ლარის ოდენობით “, – განაცხადა ახალციხის მერის წარმომადგენელმა ნუგზარ თამარაშვილმა.

შეგახსენებთ, რომ ხანძარი ახალციხეში თაყაიშვილის ქუჩის N61–ში დღეს, 12 თებერვალს დაახლოებით 17:00 საათზე გაჩნდა. მეხანძრები ცეცხლს ერთი საათის განმავლობაში აქრობდნენ. ხანძრის შედეგად დაიწვა სახლის სახურავი და დაზიანდა ნივთები.

ადგილზე მობილიზებული იყო საპატრულო პოლიციაც.

[ვარლამ წიკლაური, ახალციხე]