ახალციხეში შუახნის კაცის ცემის საქმეზე 4 პირი დააკავეს

სამართალდამცველებმა დაპირისპირებაში ბრალდებული ოთხი პირი ახალციხეში, 29 ივლისს აიყვანეს: „მოსამართლის განჩინების საფუძველზე დავაკავეთ“, - განმარტავენ შსს-ში.

დაკავებულებიდან ოთხივე 20 წელს გადაცილებულია.

საქმე ეხება ახალციხეში თამარაშვილის ქუჩაზე, პოლიციისა და იუსტიციის სახლის უკან 52 წლის კაცის ცემის ფაქტს.

შემთხვევა 19 ივლისს მოხდა. დაშავებული ამბობს, რომ ოთხი პირი მას ფიზიკურად დაუპირისპირდა, რის გამოც იგი საავადმყოფოში მკურნალობდა.

[თაკო ფეიქრიშვილი, ახალციხე]