‘გზაში დედა შემაგინა, მერე სახლთან დამხვდნენ’ - ახალციხეში 52 წლის კაცს სცემეს

კაცი, რომელსაც ჯგუფურად სცემეს, სამედიცინო დაწესებულებიდან გუშინ, 19 ივლისს, გამოწერეს. მას დაზიანებები თავის არეში აქვს მიყენებული, განუვითარდა ტვინის შერყევა. ტრამვების გამო ახლა სახლში წოლითი რეჟიმი აქვს.

„სამხრეთის კარიბჭესთან“ იხსენებს, რომ შემთხვევა 17 ივლისს, საღამოს დაახლოებით შვიდის ნახევარზე მოხდა. იგი სამუშაოს დასრულების შემდეგ მანქანით სახლში ბრუნდებოდა, როგორც ჰყვება, სუპერმარკეტ „სმარტთან“ შეამჩინია ქვეითი, რომელსაც გზის გადაკვეთა უნდოდა:

„სმარტიდან“ „რომპეტროლისკენ“ გადადიოდა გზაზე, არც „ზებრა გადასასვლელი“ იყო, არც არაფერი. ისეთი სიტუაცია იყო, რომ შუა მანქანის გზაზე მოდიოდნენ ანუ გადასულები არ იყვნენ. რომ გავიარე, უკანა მხრიდან მიყვირის ვიღაცა, „შენი დედა მო... არ უნდა გაგეჩერებინა და გაგეტარებინეო?!“. დედის გინება რომ გავიგონე, გავაჩერე მანქანა და ვუთხარი „შენ შემაგინე დედა-მეთქი?“. მოვიდა და რომ ველოდებოდი რას იტყოდა, ანთებული სიგარეტი მესროლა თვალში, წკიპურტით. „მე შეგაგინეო...“, წამოვედი ჩვულებრივად, გზა გავაგძელე და რომ მოვედი სახლში, კარებთან დამხვდნენ“, - იხსენებს დაშავებული და ამატებს, რომ საკუთარი სახლის კარებთან ჯგუფურად, ოთხი ადამიანი ურტყამდა. მანამდე მათთან არანაირი კავშირი ჰქონია და ახლაც არ იცნობს ვინ არიან: „მანამ მანქანა გავაჩერე გამომეკიდნენ, ოთხი დამესია, ერთს პირობითი ჰქონია და არ მოვიდა საცემად. ოთხმა დამაჩოქა ძირს და მკლავდნენ წიხლებით. მიდიოდინენ იმაზე, რომ სწრაფად უნდა გავეთიშე. მოვკვდებოდი თუ გავითიშებოდი იმათთვის სულ ერთი იყო, რომ არ მეცნო“.

52 წლის კაცი ამბობს, რომ სამართალდამცველებმა გადაარჩინეს, რომლებიც შემთხვევის ადგილზე ხმაურზე მივიდნენ: „პოლიციელები თვითონ ჩამოვიდნენ, თვითონ შეესწრნენ ამ ფაქტს და თვთონვე გადამარჩინეს ფაქტობროვად, თორე ჩვეულებრივად მომკლავდნენ ან დამაინვალიდებდნენ. ჯობია პოლიციამ მიხედოს ამ საქმეს, იმიტომ, რომ ამაში არ ჩაერთოს მთელი ქალაქი“.

ცემის ფაქტზე დაკავებული არავინაა. გამოძიება 126-ე ჯგუფური ძალადობის მუხლით მიმდინარეობს.

[თაკო ფეიქრიშვილი, ახალციხე]