ახალქალაქში ქალის მოტაცების საქმეზე მეხუთე პირი დააკავეს

30 წლის რ.დ–ს მოტაცების ბრალდებით მეხუთე პირი ა.ა. მოსამართლის განჩინების საფუძველზე დღეს, 15 თებერვალს აიყვანეს. ადვოკატის განცხადებით, დაკავებული ბრალს აღიარებს.

„გოგო მოიტაცეს ცოლად მოყვანის მიზნით, მანამდე მათ მიმოწერაც ჰქონდათ ერთმანეთში“, – ამბობს ადვოკატი ზაზა ზარიძე.

30 წლის ქალი ცოლად მოყვანის მიზნით, 31 წლის კაცმა, ცხრა თებერვალს, თავისუფლების ქუჩიდან მოიტაცა. სამართალდამცველებს მომხდარის შესახებ ქალის ოჯახის წევრებმა შეატყობინეს. 31 წლის კაცი სამ პირთან ერთად შეტყობინების შესვლიდან მალევე დააკავეს.

ოთხივე მათგანს აღკვეთის ღონისძიებად პატიმრობა შეეფარდა. მათი ადვოკატი გირაოს 10 000 ლარს ითხოვდა, თუმცა მოსამართლემ მისი შუამდგომლობა არ დააკმაყოფილა. ბრალდებულები უკვე გლდანის ციხეშ გადაიყვანეს.

დაკავებულები დილისკას და კარტიკამის მკვიდრები არიან.

წინასასამართლო სხდომა ხუთ აპრილს ჩაინიშნა.

ძიება სსკ–ის 143–ე მუხლით მიმდინარეობს, რაც თავისუფლების უკანონო აღკვეთას გულისხმობს.

[თინათინ ზაზაძე, ახალქალაქი]