ახალციხეში 37 წლის კაცი მამის ცემის ბრალდებით დააკავეს

შემთხვევა 15 ოქტომბერს, დღის მეორე ნახევარში მოხდა. როგორც მეზობლები „სამხრეთის კარიბჭესთან“ ყვებიან მაღაზიიდან ხმაური გამოდიოდა: „მალე პოლიციაც მოვიდა. შიგნით რა მოხდა არ ვიცით, მაგრამ რამდენიმე საათის განმავლობაში პოლიცია ჯერ მაღაზიას, შემდეგ კი სახლს ჩხრეკდა“.

დაზარალებული ამბობს, რომ დაპირისპირება მას შვილთან არ მოსვლია: „მაღაზიაში კლიენტები დაუპირისპირდნენ ერთმანეთს. არ ვიცი რაზე იჩხუბეს, პოლიცია მოვიდა და დაკითხვაზე ისინიც წაიყვანა და მეც. არ ვიცი დაკავებული არის თუ არა ვინმე“.

შინაგან საქმეთა სამინისტროში აცხადებენ, რომ მამის ცემის ბრალდებით მამაკაცი დააკავეს. მომხდარზე ძიება სსკ–ს 126–ე პრიმა მუხლით მიმდინარეობს, რაც ოჯახში ძალადობას გულისხმობს. უწყებაში ამბობენ, რომ სამართალდამცველებს არც მაღაზია და არც საცხოვრებელი ბინა არ გაუჩხრეკავთ: „ორივეგან საგამოძიებო მოქმედებები მიმდინარეობდა, ჩხრეკა არ ყოფილა“.

სასამართლოს, დაკავებული 37 წლის კაცის, აღკვეთის ღონისძების შეფარდებაზე ჯერ არ უმსჯელია.

[ლუბა გიორგაძე, ახალციხე]