ახალციხეში 27 წლის კაცის ცემის ფაქტზე შსს–მ ძიება დაიწყო

ჩხუბი ახალციხეში 30 მაისს მოხდა. ახალგაზრდები ერთ–ერთ რესტორანში მეგობრის შვილის დაბადებას აღნიშნავდნენ. ყველა მათგანი ნასვამ მგდომარეობაში იმყოფებოდა. სუფრაზე დაწყებული კამათი, რესტორნის ეზოში ჩხუბში გადაიზარდა.

მომხდარის შედეგად 27 წლის ბიჭი დაშავდა, რომელიც თბილისის ტრავმატოლოგიურ კლინიკაში მკურნალობს.

შინაგან საქმეთა სამინისტრომ ძიება ორ ივნისს, სისხლის სამართლის კოდექსის 124–ე მუხლით დაიწყო, რაც ჯანმრთელობის გაუფრთხილებლობით ნაკლებად მძიმე ან მძიმე დაზიანებას გულისხმობს. ისჯება ჯარიმით ან გამასწორებელი სამუშაოთი ვადით ორ წლამდე.

[მარიამ ბარძიმაძე, ახალციხე]