ახალციხეში 29 წლის მანანა მჭედლიძეს სასწრაფო ოპერაციისთვის თანხა სჭირდება

„13 წლის წინ ფეხზე გავიკეთე ოპერაცია და დღემდე ღია ჭრილობა მაქვს, არ შემიხორცდა და სავარაუდოდ აქედან წარმოიქმნა ანევრიზმა. ორი ცალია, ერთი დიდი და ერთი პატარა. ყოველდღე სკდება კაპილარები და სისხლდენა მაქვს, ამის გამო ჰემოგლობინი დამივარდა. რამდეჯერმე სისხლიც გადავისხი, მაგრამ ვერ არეგულირებენ მაინც ჰემოგლობინს“ – ამბობს მანანა მჭედლიძე.

ოპერაციისთვის მას 20 000 ლარი სჭირდება, საიდანაც 4 000–მდე უკვე შეგროვდა.

„ახალციხის მერიამ ჩაგვირიცხა 1 000 ლარი, ჯანდაცვამ 3 000. თავდაცვის სამინისტროსგანაც ველოდებით, თუმცა თანხა სრულად მაინც არ იფარება. ოპერაცია ორ ეტაპად უნდა ჩატარდეს, მანამდე აუცილებელია მაგნიტორეზონანსული გამოკვლევა, ამისთვისაც 8 000 ლარი გვჭირდება, რომელსაც ასევე არ აფინანსებს არცერთი სადაზღვეო, რადგან ანევრიზმა თანდაყოლილია. ბინაც იპოთეკით გვაქვს ნაყიდი, თორემ იმასაც გავყიდდი“, – ამბობს მანანა.

მანანას დასახმარებლად თანხა შეგიძლიათ დარიცხოთ „საქართველოს ბანკის“ ანგარიშზე: GE12BG0000000732757800GEL მიმღები მანანა მჭედლიძე.

[რობი ზარიძე, ახალციხე]