ხატია პარუნაშვილისთვის საქველმოქმედო კონცერტზე 400 ლარი შეგროვდა

„ვერ შეძლო ხალხმა მოსვლა. ბილეთების დაბეჭდვა და ინფორმაციის გავრცელებაც დაგვიანებით მოგვივიდა. ამას გარდა ძალიან ციოდა. ორგანიზატორთან ერთად კონცერტის თავიდანვე ახალციხის ციხეზე გამართვა დავგეგმეთ, გვეგონა იმდენი ხალხი მოვიდოდა, რომ თეატრში ვერ დაეტეოდნენ“, – ამბობს ხატიას და, მარიამ პარუნაშვილი.

მისივე თქმით, ხატიას სასწრაფოდ ესაჭიროება ძვლის ტვინის გადანერგვა. ოპერაცია 110 000 დოლარი ჯდება.

„ეს თანხა გვითხრეს, როგორც ვიცი კიდევ უფრო მეტი იყო მაგრამ დაგვიკლეს, დონორი მე ვარ, 50 პროცენტი შეთავსებადი ვარ. თუმცა ამ თანხამდე კიდევ ახლა ამ ორი დღის განმავლობაში 14 000 გვესაჭიროება რომ ქიმიები გააგრძელოს და მეც ჩავიდე თურქეთში“.

21 წლის ხატია პარუნაშვილს მწვავე მიელოიდური ლეიკემია დაუდგინდა, მას მკურნალობა და ოპერაცია ესაჭიროება.

საქველმოქმედო ღონისძიებების გარდა, გახსნილია ანგარიში.

თიბისი ბანკი - GE31TB7146945061100061

საქართველოს ბანკი - GE34BG0000000161580664GEL

მიმღები მარიამ პარუნაშვილი.

ხატიას მკურნალობაში წვლილის შეტანა შეგიძლიათ სატელეფონო ზარითაც, რომლის ღირებულებაც ერთი ლარია. 0 901 700 177



[მარიამ ბარძიმაძე, ახალციხე]