32 წლის რუსლან ჩუტკერაშვილის დახმარება სჭირდება

რუსლან ჩუტკერაშვილი 9 წელია უბედური შემთხვევის გამო ეტლით გადაადგილდება. თბილისში ოჯახის დასახმარებლად წასული 2007 წლის 11 ოქტომბერს მშენებარე ბინის მეხუთე სართულიდან გადმოვარდა და ხერხემალი დაუზიანდა. მას შემდეგ დამოუკიდებლად გადაადგილება აღარ შეუძლია.

„ოპერაციის შემდეგ რეაბილიტაციის კურსით ნელნელა ფეხზე დადგომას შევძლებ. ჩემს ოჯახს კი ამის საშუალება არ აქვს. ღეროვანი უჯრედები უნდა გადამინერგონ“, – ამბობს რუსლან ჩუტკერაშვილი.

მისი თქმით, მიღებულმა ტრამვამ კუნთების დაჭიმულობა გამოიწვია, რაც ძლიერ ტკივილს იწვევს: „ფეხები ტონუსში მაქვს, დაბუჟებული. ტკივილგამაყუჩებელი არ შეიძლება, რადგან კუნთები არ უნდა მოდუნდეს. ღეორვანმა ოჯრედებმა უნდა იმუშაოს. ტკივილებს ვუძლებს და ოპერაციის დაკეთების იმედი მაქვს. მინდა რომ ისე დავდგე ფეხზე“.

ოჯახს არც სოციალური დახმარება აქვს, როგორც რუსლანი ამბობს მიმდინარე წლის აპრილში მოუხსნეს: „გვითხრეს ბევრი მიწა გაქვს და ამან იმოქმედაო. მიწა კი მაქვს, მაგრამ ვინ უნდა დაამუშაოს?! დედა მე მივლის, მამა ასაკშია“.

ახალციხის მუნიციპალიტეტის გამგეობა რუსლან ჩუტკერაშვილს ოპერაციაში თანადაფინანსებას პირდება. ადგილობრივი თვითმმართველობა ოპერაციის გაკეთების შეთხვევაში 2.000 ლარით დაეხმარება. თუმცა მანამდე ოჯახმა დარჩენილი თანხის შეგროვება უნდა შეძლოს.

რუსლანის დასახმარებლად სპეციალური ანგარიში გაიხსნა.

დახმარების მსურველებს თანხის ჩარიცხვა შეუძლიათ შემდეგ ანგარიშზე:
ლიბერთი ბანკი
ანგარიშის ნომერი: GE05LB0711105600678140
მიმღები: რუსლან ჩუტკერაშვილი.

[თინათინ ზაზაძე, ახალციხე]