‘ხუთი ახალი შემთხვევიდან ყველა იმპორტირებულია’ – ეზუგბაია

„დაგვემატა ხუთი ახალი შემთხვევა ყველა იმპორტირებულია, ანუ შემოტანილი და აქედან ოთხი სატვირთოს მძღოლია, მათგან ერთი მძღოლი ჩვენთან მოთავსდა“, – ამბობს ეზუგბაია.

ინფექციურ საავადმყოფოში 28 პაციენტი იმყოფება, აქედნ კოვიდინფიცირებული 20 მათგანია.

„შვიდმა გამოჯანმრთელებულმა პაციენტმა გუშინ დატოვა ჩვენი კლინიკა, ახალი შემოგვემატა ერთი, ამ ეტაპზე ჩვენს ცენტრში 20 პაციენტი მკურნალობს, რომელთაგანაც მხოლოდ ერთის მდგომარეობაა საშუალოზე მძიმე. დანარჩენი პაციენტების მდგომარეობა საშუალო და მსუბუქია“, – აღნიშნა ეზუგბაიამ.

საქართველოში კორონავირუსის 893 დადასტურებული შემთხვევა ფიქსირდება, აქედან 739 გამოჯანმრთელდა, ხოლო 14 გარდაიცვალა. 2 710 პირი კარანტინის რეჟიმში იმყოფება, სტაციონალური მეთვალყურეობის ქვეშ კი 267 მოქალაქე რჩება.

[ნუკა სტეფნაძე]