9 ახალი შემთხვევიდან ერთის დაინფიცირების წყარო უცნობია

ფოტო:თბილისის ინფექციური საავადმყოფოს სამედიცინო პერსონალი

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კოვიდცენტრებში ამ ეტაპზე 143 პაციენტი მკურნალობს.

"ცხრა ახალი შემთხვევიდან ორი გახლავთ დაავადებულთან კონტაქტი, ექვსი საკარანტინო სივრციდან არის, ყველა შემოტანილი შემთხვევაა და ამ ექვსიდან სამი სატვირთო ავტომანქანის მძღოლია, მხოლოდ ერთი შემთხვევაა, რომლის წყაროს მოძიება გრძელდება", – განაცხადა ჟურნალისტებთან მარინა ეზუგბაიამ.

მისივე თქმით, ინფექციური საავადმყოფო შვიდმა გამოჯანმრთელებულმა დატოვა, კლინიკაში 28 კოვიდინფიცირებული რჩება.

"გვყავს 28 კოვიდინფიცირებული პაციენტი და 2 ახალი, ორივე არის შემოტანილი შემთხვევა, ერთი არის რუსეთიდან, ერთი სომხეთიდან. ორივეს მდგომარეობა რუტინული კვლევებით და არსებული მონაცემებით, ჯერჯერობით, საშუალო სიმძიმისაა. ჩვენ 1 მძიმე პაციენტი გვყავს, რომლის მდგომარეობა მკვეთრად გაუმჯობესებულია, მაგრამ მძიმე პნევმონია გვრჩება, ამიტომ როგორც მძიმე პაციენტს, ისე განვიხილავთ. დანარჩენი პაციენტების მდგომარეობა საშუალო და მსუბუქი სიმძიმისაა”, - განაცხადა ეზუგბაიამ.

[sknews.ge]