საქართველოში კორონავირუსის 2 ახალი შემთხვევა გამოვლინდა, გამოჯანმრთელდა 13 პაციენტი

„დღეს გვაქვს მხოლოდ 2 ახალი შემთხვევა, იყო 728, ახლა 730 დადასტურებული შემთხვევა გვაქვს საქართველოში. გამოჯანმრთელებულია 13 ადამიანი და 522-ია გამოჯანმრთელებული ამ ეტაპზე", – განაცხადა თბილისის ინფექციური საავადმყოფოს კლინიკურმა დირექტორმა, მარინა ეზუგბაიამ.

მისი თქმით, ახალი ინფიცირებულების კლასტერი ცნობილია. ერთი დადასტურებულ შემთხვევასთან კონტაქტია, მეორე კი საკარანტინო სივრციდანაა გადაყვანილი: "ორიდან ერთ–ერთი ინფიცირებული ჩვენთან შემოიყვანეს. ამ ეტაპზე 35 ინფიცირებული პაციენტი მკურნალობას, აქედან სამის მდგომარეობა მძიმეა. სამივესთან რადიოლოგიურად მძიმედ გამოხატული განვითარებული პნევმონიაა, კლინიკურად მათი მდგომარეობა გაუმჯობესებულია, ლაბორატორიული მონაცემებიც მიყვება, მაგრამ რადიოლოგიური მონაცემებით ჯერ არ გვაქვს გაუმჯობესება, განსაკუთრებით ერთ პაციენტთან რომელიც იყო კრიტიკული და მაღალი ასაკის პაციენტი. აქედან გამომდინარე, ჩვენ ჯერჯერობით პროგნოზზე ვერ ვილაპარაკებთ".

საქართველოს კოვიდცენტრებში ამ ეტაპზე 196 პაციენტი მკურნალობს.

[sknews.ge]