ნატოში, ჟენევასა და ვენაში საქართველოს ელჩები იცვლებიან

როგორც ზალკალიანმა მთავრობის კანცელარიაში გამართულ ბრიფინგზე აღნიშნა, ჟენევაში, საქართველოს ელჩი ალექსანდრე მაისურაძე, ადგილს ნატო-ში ვიქტორ დოლიძეს გაუცვლის.

„გვეყოლება ახალი ელჩები. ნატო-ში ჩვენმა ელჩმა ალექსანდრე მაისურაძემ დაასრულა თავისი საქმიანობა, მას შეუსრულდა ელჩობისთვის განკუთვნილი ვადა 4+1, ანუ 5-წლიანი ვადა დაასრულა, ამიტომ ჩვენ მივიღეთ გადაწყვეტილება, რომ მისი გამოცდილება მრავალმხრივ ურთიერთობებში გამოვიყენოთ ჟენევაში, საერთაშორისო ურთიერთობებში წარმომადგენლად. ის საქმიანობას გააგრძელებს ჟენევაში. ხოლო მის ადგილს დაიკავებს ჟენევაში ჩვენი ელჩი ვიქტორ დოლიძე, რომელიც ნატო-ში საქართველოს წარმომადგენელი იქნება. ასევე გვეყოლება ახალი ელჩი ვენაში, ვენის საერთაშორისო ორგანიზაციაში, ქეთევან ციხელაშვილი, მას მუდმივად ჰქონდა შეხება ამ საკითხებთან, რადგანაც თემები, რომლებიც ეუთოში, საერთაშორისო ორგანიზაციებში განიხილება, მათ შორის, კონფლიქტებთან მიმართებაში, ესეც იქნება ერთ-ერთი მნიშვნელოვანი მიმართულება, როემლსაც ქეთევან ციხელაშვილი წარუძღვება“, - განაცხადა ზალკალიანმა.

[რობი ზარიძე]