ნატო–საქართველოს ურთიერთობები – დისკუსია ახალციხეში

შეხვედრა, ადგილობრივი თვითმმართველობის, სამხარეო ადმინისტრაციისა და არასამთავრობო ორგანიზაციების წარმომადგენლებთან, ახალციხის ადმინისტრაციულ შენობაში, დღეს, 19 აპრილს, გაიმართა. მონაწილეებმა ნატოში საქართველოს გაწევრიანების შანსებზე, რუსულ პროპაგანდასა და ბრიუსელის სამიტის მოლოდინებზე ისაუბრეს.

„წელს ნატოს დღეები განსაკუთრებულად საქართველოს რეგიონებში მათ შორის სამცხე–ჯავახეთში აღინიშნება, ამიტომ ადგილობრივი მოსახლეობის ინფორმირებულობის ამაღლების მიზნით, არაერთ შეხვედრას გავმართავთ“, – ამბობს ნინო ბოლქვაძე.

ნატოს დღეები წელს მეთერთმეტედ აღინიშნება და მისი მიზანია ალიანსისა და ნატო-საქართველოს თანამშრომლობის შესახებ საქართველოს მოქალაქეების ინფორმირება.

კვირეული ნატო-საქართველოს სახალხო დიპლომატიის ფორუმით დასრულდება.





[ლუბა გიორგაძე, ახალციხე]