საუნივერსიტეტო კლინიკაში ინფიცირებული ორსული შეიყვანეს

„გვყავს დადასტურებული ორსულის შემთხვევა, გადმოყვანილია სხვა კლინიკიდან. მისი მდგომარეობა სტაბილურია, გართულების გარეშეა“, - აცხადებს რატიანი.

მისივე თქმით, დღეს კლინიკიდან გაეწერება ხუთი პაციენტი, მათ შორის ერთი 13 წლის მოზარდია: „რამდენიმე წუთში კლინიკიდან გაეწერება გამოჯანმრთელებული 5 პაციენტი. ბოლო 24 საათის განმავლობაში, ჩვენი კლინიკიდან გაეწერა 12 გამოჯანმრთელებული პაციენტი. გაეწერა ყველაზე ახალგაზრდა 13 წლის ბავშვი, რომელიც 24 დღის განმავლობაში იწვა კლინიკაში. მას ორჯერადად გაუკეთდა ტესტი და აჩვენა უარყოფითი“.
ამ დროისათვის, საუნივერსიტეტო კლინიკაში სულ 88 პაციენტია, აქერდან 68 კორონავირუსის დადასტურებული შემთხვევა.

რეანიმაციულ განყოფილებაში მკურნალობს ექვსი პაციენტი.

კითხვაზე, ვის ენიშნება კლინიკაში მედიკამენტი პლაქველინი და რა გართულებები აქვს მას, რატიანმა უპასუხა: „გვიჭირავს პულსი თანამედროვე მედიცინაზე და რასაც აღიარებს ჯანდაცვის მსოფლიო ორგანიზაიცა მაგ პროტოკოლს. ჯანდაცვის სამინისტროში დევს პროტოკოლი, მისი ერთ-ერთი ავტორი მეც გახლავართ და იქ დაწვრილებით წერია ვის დაენიშნოს პლაქველინი და ვის არა და როგორ ვუმკურნალოთ პაციენტს. ჩვენებაც კარგად ვიცით, როდის დავნიშნოთ, უკუჩვენებაც კარგად ვიცით, როდის შევწყვიტოთ და რა დოზის მიღებაა შესაძლებელი“, - აცხადებს რატიანი.

[თაკო ფეიქრიშვილი]