ბოჭორიშვილის კლინიკაში ერთი ახალი ინფიცირებული ბავშვია

„გვყავს ერთი ახალი დადასტურებული შემთხვევა, ის არის ბავშვი. უკვე დადასტურებული ოჯახის წევრია, არის ბოლნისის კლასტერი. ჯანმრთელობის მდგომარეობა სტაბილურია“, - ამბობს ბოჭორიშვილის კლინიკის სამეთვალყურეო საბჭოს თავმჯდომარე, მაკა სოლოღაშვილი.

მისივე თქმით, ამ ეტაპზე ორი პაციენტი რჩება რეანიმაციაში, დღეს განიხილება ერთ-ერთი მათგანის პალატაში გადაყვანის საკითხი.

საყურადღებოა ოთხი პაციენტის მდგომარეობა. ამ ეტაპზე კლინიკაში ორი პაციენტი გამოჯანმრთელდა და ხუთის გამოჯანმრთელებას ელოდებიან.
„გუშინ გვიან ღამით მოვიდა 2 პაციენტის გამოჯანმრთელების შესახებ ინფორმაცია და დღეს დატოვებენ ისინი კლინიკას“.

ბოჭორიშვილის კლინიკის ბოქსირებულ სექტორში 56 პაციენტი მკურნალობს, აქედან დადასტურებული დიაგნოზი covid 19 43 პაციენტს აქვს.

[თაკო ფეიქრიშვილი]