პირველ საუნივერსიტეტო კლინიკას 4 გამოჯანმრთელებული პაციენტი დატოვებს

„ამ ეტაპზე კლინიკაში არის 99 პაციენტი, აქედან 81 ინფიცირებულია, ახალი შემთხვევა ბოლო 24 საათის განმავლობაში არ შემოსულა. დღეს კოვიდინფექციის გარეშე ვწერ კლინიკიდან ოთხ პაცინეტს, მოვიდა პროტოკოლით გათვალისწინებული ოთხი უარყოფითი პასუხი. ისინი კლინიკას რამდენიმე საათში დატოვებენ“,–თქვა ლევან რატიანმა.

მისივე განცხადებით, კლინიკაში ამ დროისთვის რეანიმაციის განყოფილებაში რვა პაციენტი რჩება.

„რეანიმაციულ განყოფილებაში იმყოფება რვა პაციენტი, აქედან სამის მდგომარეობა მკვეთრად გაუმჯობესებულია, ხუთის მდგომარეობა რჩება მძიმე, იმყოფებიან მართვით სუნთქვაზე. მაგრამ ერთი დადებთი კლინიკა ვლინდება, გემოდინამიკის სატაბილიზაციისთვის არ სჭირდება არცერთ მათგანს დამატებითი ჩარევა, ეს იმას ნიშნავს, რომ შოკის კლინიკა ამ პაციენტებთნ მოხსნილია“, – განაცხადა რევან რატიანმა.

13:20 საათის მონაცემებით, საქართველოში კორონავირუსით ინფიცირების 566 შემთხვევაა გამოვლენილი, აქედან ექვსი გარდაიცვალა, 184 კი გამოჯანმრთელდა.

[ნუკა სტეფნაძე]