‘62 წლის მარნეულელი ქალი სავარაუდოდ დღეს გაეწერება’ - რატიანი

პირველი საუნივერსიტეტო კლინიკის დირექტორის, ლევან რატიანის განმარტებით, ამ ეტაპზე კლინიკაში 67 პაციენტია, მათგან 51 ინფიცირებული.

„62 წლის ქალი, მარნეულიდან, პირველ ეტაპზე მოვიდა დადებითი ტესტი, დღეს განმეორებით ვაგზავნით და სავარაუდოდ, დღეს გაეწერება. 80 წლის ქალი, რომელიც კლინიკაში შემოსულია სხვადასხვა თანმდევი დაავადებებით, ამ დილიდან მოიხსნა მართვითი სუნთქვიდან“, - აცხადებს რატიანი.

მისივე თქმით, თუ პაციენტები ასაკით 60+1 კლინიკას სიმპტომების გამოვლენისთანავე მიმართავენ, დიდი შანსია გამოჯანმრთელების.

„სულ არის 51 ინფიცირებული, რენიმაციაში წევს 7 პაციენტი, აქედან 2-ის მდგომარეობა მკვეთრად გაუმჯობესებულია. ორსული ქალბატონების მდგომარეობის დინამიკა ბოლო 4 დღეა უცვლელია, როგორც დედის, ასევე ნაყოფის. 13 წლის ბავშვის მდგომარეობა სტაბილურია“, - აცხადებს რატიანი.

[sknews.ge]