საუნივერსიტეტო კლინიკას კიდევ 3 გამოჯანმრთელებული დატოვებს

„დღეს კლინიკიდან სამი გამოჯანმრთელებული პაციენტი ეწერება, ლუგარში გაგზავნილი გვაქვს რამდენიმე ანალიზი და ველოდებით თუ მოვიდა უარყოფითი განმეორებით პროტოკოლის მიხედვით, ესენიც დღის მეორე ნახევარში დატოვებენ კლინიკას“, - ამბობს საუნივერსიტეტო კლინიკის დირექტორი ლევან რატიანი.

მისივე თქმით, ამ დოისათვის, კლინიკაში 61 პაციენტია, მათგან რეანიმაციაშია - ოთხი, ორი იმყოფება მართვით სუნთქვაზე, ორი სპონტანურ სუნთქვაზე.

„სპონტანურ სუნთქვაზე მყოფთაგან ერთი კაცია, 47 წლის. პაციენტი ჩვენს კლინიკაში მოთავსდა 14 დღის წინ, მკურნალობის შედეგად, დადებითი შედეგია მიღწეული. სუნთქვის უკმარისობის ხარისხი შემცირებულია. მეორე პაციენტი, ქალი 80 წლის, იმყოფება კლინიკაში დაახლოებით სამი კვირაა. მისი მდგომარეობაც, ამ ეტზე სტაბილურია. რაც შეეხება მართვით სუნთქვაზე მყოფ ორ პაციენტს, ერთი მათგანი ერთი თვეა შემოსულია, კაცი 70 წლის, მდგომარეობა დადებითი კლინიკური მაჩვენებლით გამოიხატება. მეორე ქალი არის 80 წლის, მისი მდგომარეობა სტაბილურია“.

სტაბილურია და არანაირი კლინიკური პათოლოგია არ ვლინდება ორი ორსულის მდგომარეობაშიც. რაც შეეხება, მედპერსონალს, რომლებიც კლინიკაში მკურნალობენ, მათგან ერთი უკვე გაეწერა.

[თაკო ფეიქრიშვილი]