საუნივერსიტეტო კლინიკას კიდევ 6 გამოჯანმრთელებული დატოვებს

„კოვიდინფიცირებული გვყავს 61, დღეს კლინიკიდან ეწერება 6 გამოჯანმრთელებული პაციენტი. პირველადი პასუხი მიღებული გვაქვს 10 პაციენტზე, იმედია, რომ ათივესთან მოვა განმეორებით უარყოფითი და დღის ბოლოსთვის, კიდევ 10 პაციენტი დატოვებს ჩვენს კლინიკას“, - აცხადებს რატიანი.

მისივე თქმით, ბოლო 24 საათის განმავლობაში, დაწესებულებაში ახალი შემთხვევა არ ყოფილა: „იმედია ასე გაგრძელდება და ჩვენი კლინიკა რამდენიმე კვირაში კოვიდინფექციასთან ბრძოლას აუცილებლად მოიგებს“.

ამ ეტაპზე კლინიკაში სულ 79 პაციენტი წევს, მათგან რეანიმაციაშია ხუთი. მართვით სუნთქვაზე რჩება ორი პაციენტი, აქედან ერთის მდგომარეობა მძიმეა, მეორესი - სტაბილური. რაც შეეხება ორ ორსულს, მათი მდგომარეობაც სტაბილურია.

[თაკო ფეიქრიშვილი]