COVID-19: რა ხდება მეზობელ ქვეყნებში

ახალი შემთხვევების კლებასთან ერთად იზრდება გამოჯანმრთელებულთა რიცხვი თურქეთში, სადაც 122 392 ადამიანიდან, 50 ათასზე მეტმა ვირუსი უკვე დაამარცხა, Covid-19-ის მსხვერპლი აქ 3 258 ადამიანია.

114 431 შემთხვევაა რუსეთში, საიდანაც 13 220 გამოჯანმრთელდა, 1 169 კი გარდაიცვალა, აქედან 96 – გასულ 24 საათში. 23 აპრილის შემდეგ ქვეყანაში ყოველდღიურად 5 ათასზე მეტი შემთხვევა ფიქსირდება.

Covid-19–ით ერთი ადამიანი გარდაიცვალა დღეს სომხეთში, 82 კი ახალი შემთხვევა დაფიქსირდა. ჯამში აქ 2 148 ინფიცირების, 977 გამოჯანმრთელების და 33 გარდაცვალების შემთხვევაა.

1 854 შემთხვევაა გამოვლენილი აზრბაიჯანში, საიდანაც გამოჯანმრთელებულად 1 365 ითვლება, ხოლო 25 – გარდაიცვალა, მათ შორის 1 დღეს.

საქართველოში ამ დროისთვის კორონავირუსის 556 დადასტურებული, 207 გამოჯანმრთელების და 7 გარდაცვალების შემთხვევაა.

ჯანდაცვის მსოფლიო ორგანიზაციამ ახალი კორონავირუსი პანდემიად 11 მარტს გამოაცხადა.

საქართველოში ვირუსის პირველი შემთხვევა 26 თებერვალს დაფიქსირდა, 21 მარტიდან კი ქვეყანაში საგანგებო მდგომარეობა მოქმედდა, რომელსაც 31 მარტს კომენდანტის საათი და „ფაქტობრივი საკარანტინო რეჟიმი“ დაემატა დაემატა.

22 აპრილს, საგანგებო მდგომარეობა კიდევ ერთი თვით – 22 მაისამდე გახანგრძლივდა გახანგრძლივდა. 24 აპრილს მთავრობამ ანტიკრიზისული გეგმა წარადგინა, რომლის მიხედვითაც დაწესებული შეზღუდვების მოხსნა 6 ეტაპად იგეგმება მოხდება. გარდა ამისა, გეგმით განსაზღვრულია ბიზნესის და მოქალაქეების დახმარება, რისთვისაც 3,5 მილიარდი ლარი დაიხარჯება.

[რობი ზარიძე]