COVID-19: მდგომარეობა მეზობელ ქვეყნებში

მთავარი → სიახლე, კორონავირუსი 11.05.2020

საქართველოს მეზობელი ქვეყნებიდან ყველაზე ცხელი წერტილი კვლავ რუსეთია, სადაც ყოველდღიურად 10 ათასზე მეტი ადამიანი ინფიცირდება. ვირუსის გავრცელებამ იკლო თურქეთში, აქ გასულ 24 საათში ყველაზე ცოტა ახალი შემთხვევა დაფიქსირდა. 3 000–ზე მეტი შემთხვევაა გამოვლენილი სომხეთში, აზერბაიჯანში კი ეს რიცხვი 2 519–ია.

ფოტო:COVID-19 KLTV

ბოლო მონაცემებით რუსეთში 221 344 კოვიდინფიცირების შემთხვევაა, საიდანაც 2 009 გარდაცვალებით, 39 801 კი გამოჯანმრთელებით დასრულდა. ქვეყანაში 2 მაისის შემდეგ ყოველდღიურად 10 ათასზე მეტი ახალი შემთხვევა დასტურდება.

138 657 ინფიცირების შემთხვევაა თურქეთში, 90 ათასზე მეტმა ვირუსი უკვე დაამარცხა, 3 786 კი გარდაიცვალა. გასულ 24 საათში დაფიქსირებული 1 542 შემთხვევა კი 26 მაისის შემდეგ, ყველაზე ცოტაა.

2 519 ინფიცირებულიდან უკვე გამოჯანმრთელდა 1 650 აზერბაიჯანში. ქვეყანაში ვირუსით 32 ადამიანია გარდაცვლილი.

79 ახალი შემთხვევა დაფიქსირდა და ერთი ადამიანი გარდაიცვალა დღეს სომხეთში, სადაც ჯამში 3 392 კოვიდინფიცირებულია, აქედან 1 359 გამოჯანმრთელდა, 46 კი გარდაიცვალა.

საქართველოში ამ დროისთვის COVID-19-ის 638 დადასტურებული შემთხვევაა, გამოჯანმრთელდა 317 და გარდაიცვალა 11.

ჯანდაცვის მსოფლიო ორგანიზაციამ ახალი კორონავირუსი პანდემიად 11 მარტს გამოაცხადა.

საქართველოში ვირუსის პირველი შემთხვევა 26 თებერვალს დაფიქსირდა, 21 მარტიდან კი ქვეყანაში საგანგებო მდგომარეობა გამოცხადდა, 31 მარტიდან კომენდანტის საათი და „ფაქტობრივი საკარანტინო რეჟიმი“ დაემატა.

24 აპრილს მთავრობამ ანტიკრიზისული გეგმა წარადგინა, რომლის მიხედვითაც დაწესებული შეზღუდვების მოხსნა 6 ეტაპად მოხდება.

[რობი ზარიძე]