COVID-19: მეზობელ ქვეყნებში ინფიცირების შემთხვევებმა მილიონს გადააჭარბა

ახალი შემთხვევების კლებასთან ერთად იზრდება გამოჯანმრთელებულთა რიცხვი თურქეთში, სადაც 226 100 ადამიანიდან, 209 487–მა ვირუსი უკვე დაამარცხა, Covid-19-ის მსხვერპლი აქ 5 613 ადამიანია.

818 120 შემთხვევაა რუსეთში, საიდანაც 603 329 გამოჯანმრთელდა, 13 354 კი გარდაიცვალა, აქედან 85 – გასულ 24 საათში.

Covid-19–ით 6 ადამიანი გარდაიცვალა დღეს სომხეთში, 73 კი ახალი შემთხვევა დაფიქსირდა. ჯამში აქ 37 390 ინფიცირების, 26 665 გამოჯანმრთელების და 711 გარდაცვალების შემთხვევაა.

30 050 შემთხვევაა გამოვლენილი აზრბაიჯანში, საიდანაც გამოჯანმრთელებულად 22 684 ითვლება, ხოლო 417 – გარდაიცვალა.

საქართველოში ამ დროისთვის კორონავირუსის 1 137 დადასტურებული, 922 გამოჯანმრთელების და 16 გარდაცვალების შემთხვევაა.

ჯანდაცვის მსოფლიო ორგანიზაციამ ახალი კორონავირუსი პანდემიად 11 მარტს გამოაცხადა.

[რიმა სარუხანიან]