COVID-19 - მეზობელი ქვეყნები და საქართველო

კორონავირუსის 62 ახალი შემთხვევა დაფიქსირდა დღეს სომხეთში, ინფიცირებულთა რაოდენობამ კი 1 401 შეადგინა, საიდანაც გამოჯანმრთელებულად 609 ითვლება. ქვეყანაში ვირუსით 24 ადამიანია გარდაცვლილი.

ორი დღეა ვირუსით გარდაცვალების შემთხვევა არ დაფიქსირებულა აზერბაიჯანში, სადაც 1 436 ინფიცირებულიდან 791 უკვე გამოჯანმრთელდა. COVID-19-ს აქ 19 სიცოცხლე ემსხვერპლა.

19 აპრილის შემდეგ ყველაზე მეტი ახალი შემთხვევა (5 642) დაფიქსირდა დღეს რუსეთში. 456 გარდაცვალებიდან 51 ბოლო 24 საათში დაფიქსირდა. ქვეყანაში კორონავირუსი 3 873–მა ადამიანმა დაამარცხა. ინფიცირებული რუსეთში სულ 52 763 ადამიანია.

თურქეთში გასულ 24 საათში ვირუსით 123 ადამიანი გარდაიცვალა, 4 674 კი ახალი შემთხვევა დაფიქსირდა.

ბოლო მონაცემებით, თურქეთში Covid-19-ის 90 980 დადასტურებული, 2 140 გარდაცვალების და 13 434 გამოჯანმრთელების შემთხვევაა.

6 ახალი შემთხვევაა დაფიქსირებული დღეს საქართველოში, ყველაზე მეტი – 42 ახალი შემთხვევა კი 16 აპრილს გამოვლინდა. ამ დროისთვის ქვეყანაში 95 გამოჯანმრთელებული და 4 გარდაცვლილია, 309 ადამიანი კი COVID-19 –ს ჯერ კიდევ ებრძვის.

ქვეყანაში კორონავირუსის პირველი შემთხვევა 26 თებერვალს დაფიქსირდა. 21 მარტიდან გამოცხადდა საგანგებო მდგომარეობა, რასაც 31 მარტს საყოველთაო კარანტინი და ე.წ კომენდანტის საათი დაემატა. იკრძალება სამზე მეტი პირის შეკრება, ხოლო 21:00 საათიდან დილის 06:00 საათამდე დაუშვებელია გადაადგილება. ასვე, 17 აპრილიდან საგანგებო მდგომარეობის რეჟიმი კიდევ უფრო გამკაცრდა . 21 აპრილამდე სრულად აიკრძალება მსუბუქი ავტომობილებით გადაადგილება დახურულ სივრცეებში კი პირბადის ტარება სავალდებულო იქნება.

გაგრძელდება თუ არა აღნიშნული აკრძალვები ამის შესახებ საკოორდინაციო საბჭო გადაწყვეტილებას დღეს მიიღებს.

[რობი ზარიძე]