Covid-19: თურქეთში ინფიცირებულთა რაოდენობამ 100 ათასს მიაღწია

კორონავირუსის 50 ახალი შემთხვევა დაფიქსირდა დღეს სომხეთში, ინფიცირებულთა რაოდენობამ კი 1 1523 შეადგინა, საიდანაც გამოჯანმრთელებულად 659 ითვლება. ქვეყანაში ვირუსით 24 ადამიანია გარდაცვლილი.

21 აპრილის შემდეგ ვირუსით გარდაცვალების შემთხვევა არ დაფიქსირებულა აზერბაიჯანში, 1 548 ინფიცირებულიდან 948 უკვე გამოჯანმრთელდა. COVID-19-ს აქ 20 ადამიანის სიცოცხლე ემსხვერპლა.

4 774 ახალი შემთხვევა დაფიქსირდა დღეს რუსეთში, სადაც 555 გარდაცვალებიდან 42, ბოლო 24 საათში დაფიქსირდა. ქვეყანაში კორონავირუსი 4 891–მა ადამიანმა დაამარცხა. ინფიცირებული კი 62 773–ია.

თურქეთში გასულ 24 საათში ვირუსით 117 ადამიანი გარდაიცვალა, 3 083 კი ახალი შემთხვევა დაფიქსირდა.

ბოლო მონაცემებით, ქვეყანაში Covid-19-ის 98 674 შემთხვევაა დადასტურებული, აქედან 2 376 გარდაცვალების და 16 477 გამოჯანმრთელების.

4 ახალი შემთხვევაა დაფიქსირებული დღეს საქართველოში. ამ დროისთვის ქვეყანაში 111 გამოჯანმრთელებული და 5 გარდაცვლილია, 304 ადამიანი კი COVID-19 –ს ჯერ კიდევ ებრძვის.

ქვეყანაში კორონავირუსის პირველი შემთხვევა 26 თებერვალს დაფიქსირდა. 21 მარტიდან გამოცხადდა საგანგებო მდგომარეობა, რასაც 31 მარტს საყოველთაო კარანტინი და ე.წ კომენდანტის საათი დაემატა. იკრძალება სამზე მეტი პირის შეკრება, ხოლო 21:00 საათიდან დილის 06:00 საათამდე დაუშვებელია გადაადგილება. ასვე, 17 აპრილიდან საგანგებო მდგომარეობის რეჟიმი კიდევ უფრო გამკაცრდა. 27 აპრილამდე სრულად აიკრძალა მსუბუქი ავტომობილებით გადაადგილება დახურულ სივრცეებში კი პირბადის ტარება სავალდებულო იქნება.

[რობი ზარიძე]