COVID-19 და მეზობელი ქვეყნების სტატისტიკა

ახალი შემთხვევების კლებასთან ერთად იზრდება გამოჯანმრთელებულთა რიცხვი თურქეთში, სადაც 238 450 ადამიანიდან, 221 574–მა ვირუსი უკვე დაამარცხა, Covid-19-ის მსხვერპლი აქ 5 813 ადამიანია.

ბოლო 24 საათში ქვეყანაში კორონავირუსის 5 ათასზე მეტი შემთხვევა გამოვლინდა რუსეთში და გარდაიცვალა 129 ადამიანი. გამოჯანმრთელებულთა საერთო რაოდენობა კი 600 ათასს აჭარბებს.

Covid-19–ით 8 ადამიანი გარდაიცვალა დღეს სომხეთში, 200 კი ახალი შემთხვევა დაფიქსირდა. ჯამში აქ 40 185 ინფიცირების, 32 395 გამოჯანმრთელების და 785 გარდაცვალების შემთხვევაა.

33 481 შემთხვევაა სულ გამოვლენილი აზრბაიჯანში, საიდანაც გამოჯანმრთელებულად 30 056 ითვლება, ხოლო 488 – გარდაიცვალა. დღეს კიდევ 105 მოქალაქეს დაუდასტურდა ვირუსი, ხოლო 5 გარდაიცვალა.

საქართველოში ამ დროისთვის კორონავირუსის 1 216 დადასტურებული, 996 გამოჯანმრთელების და 17 გარდაცვალების შემთხვევაა.

ჯანდაცვის მსოფლიო ორგანიზაციამ ახალი კორონავირუსი პანდემიად 11 მარტს გამოაცხადა.

[ნუკა სტეფნაძე]