დღეს ჩვენ გვქონდა პიკი, ერთ დღეში 12 ლაბორატორიაში 1 096 კვლევა ჩატარდა – გამყრელძე

როგორც, ამირან გამყრელიძემ აღნიშნა, დღეს გაიმართა მინისტრთნ შეხვედრა, სადაც განიხილეს ლაბორატორიების კიდევ უფრო გაფართოების საკითხი.

„განიხილება ლაბორატორიების კიდევ უფრო გაფართოება, მხედველობაში მაქვს და კიდევ ერთხელ ხაზს ვუსვამ, ძირითადი აქცენტია მოლეკულურ კვლევებზე. დღეს ჩვენ გვქონდა პიკი ერთ დღეში 1 096 ანალზი 12 ლაბორატორიაში ჩატარდა და უკვე ხუთიდან ავედით 12 ლაბორატორიამდე მთელი საქართველოს მასშტაბით“,–განაცხადა ამირან გამყრელიძემ.

გამყრელიძემ ასევე, აღნიშნა, რომ ეტაპობრივად 15 მაისამდე იგეგმება უფრო მეტი ჯგუფების გამოკლვევა, რაც დღეში 1 500–დან 1 700–მდე პირის კვლევას გულისხმობს.

„იქითა კვირაში კიდევ სამი ლაბორატორიის დამატება არის გათვალისწინებული და გვინდა, რომ სადღაც მაისის 15–მდე ჩვენ დაახლოებით დღეში 1 500 –დან 1 700–მდე კვლევა ვაწარმოოთ. ხოლო მაისის 15–დან შემდგომ, უკვე მეორე ეტაპზე ვაპირებთ 2 000 –დან 2 500–მდე კვლევამდე ასვლას. ეს აუცილებელია, როდესაც ხდება შემსუბუქება ე.წ შეზღუდვითი ღონისძიებების, აუცილებელია უფრო ფართომასშტაბიანი და ფართო ხელმისწვდომობა იყოს პისიარ კველვებზე“,–აღნიშნა გამყრელიძემ.

მისი თქმით, ქვეყანაში გატარებული ღონისძიებების და შეზღუდვების შედეგად, ამ ეტაპზე არ არის ვირუსის ფართომასშტაბიანი ზრდა.

„მე ვფიქრობ, რომ აქამდე გატარებულმა ყველა ზომამ, მოგვიყვანა იქამდე, რომ დღეს ჩვენთან ჯერ–ჯერობით ინფექცია მდუნეთ იზრდება, ანუ არ გვაქვს დიდი ნახტობისებური ზრდა. ქვეყნისთვის მეექვსე, მეშვიდე, მერვე კვირა ე.წ შიდა გავრცელების დაწყებიდან და ამას ჩვენ ვანგარიშობთ 22–23 მარტიდან, გახლავთ ყველაზე უფრო საპასუხისმგებლო და მოვუწოდებ მოსახლეობას, რომ ყველა რეკომენდაცია, რასაც ჯანდაცვის სექტორი იძლევა, დაიცვას. ამ შემთხვევაში ჩვენი ქვეყანა გამოვა ამ ეპიდემიიდან შედარებით ნაკლები დაზიანებით“,–განაცხადა გამყრელიძემ.

გამყრელიძემ ასევე აღნიშნა, რომ დღეს კვლევების შედეგად 22 ახალი შემთხვევა დაფიქსირდა, რომელთა წყაროც ცნობილია, მისი თქმით 15 შემთხვევა თეთრიწყაროს კლასტერთან არის დაკავშირებული.

[ნუკა სტეფნაძე]