‘საზოგადოებრივი ტრანსპორტით გადაადგილება ეტაპობრივად აღდგება’ – გამყრელიძე

„ეს ყველაფერი [საზოგადოებრივი ტრანსპორტით გადაადგილება] უნდა მოხდეს ნაბიჯ–ნაბიჯ, ნელ–ნელა. დღეს, როდესც მოხდა გარკვეული შემსუბუქება, ხალხს არ უნდა დარჩეს შთაბეჭდილება, რომ კორონავირუსული ინფექცია ჩვენ დავამარცხეთ საქართველოში და ჩვენ ჩვეულებრივი ცხოვრების რიტმში გადავედით, არა ბატონებო, ასე არაა. კარგი ტერმინი დამკვიდრდა, ჩვენ თანდათან უნდა ვიცხოვროთ კორონავირუსულ ინფექციასთან, ისე რომ მისგან მივიღოთ მინიმალურზე, მინიმალური ზიანი, ამიტომ ეს შემსუბუქებები უნდა იყოს ეტაპობრივად“,– განაცხადა ამირან გამყრელიძემ.

მისივე თქმით, სახელმწიფოს მიერ წარდგენილი ექვს ეტაპიანი გეგმის მიხედვით, ერთ–ერთ ყველაზე ადრეულ ეტაპზე საზოგადოებრივი ტრანსპორტის აღდგენა მოხდება, მაგრამ ეს ყველაფერი დამოკიდებულია ეპიდსიტუაციაზე.

„ერთ–ერთ ეტაპზე აუცილებლად აღდგება საზოგადოებრივი ტრანსპორტით მოძრაობა, მაგრამ ეს ყველაფერი დამოკიდებული იქნება ეპიდსიტუაციაზე. ეს ახალი ველოსიპედი არ არის, ასე აკეთებს ყველა ქვეყანა, ვინც გადავიდა უკვე შემსუბუქების ღონისძიებაზე. საზოგადოებრივი ტრანსპორტის აღდგენაა ერთ–ერთი ყველაზე ადრეულ ეტაპზე, მაგრამ მანამდე ჩვენ კარგად უნდა მოვემზადოთ. უნდა დავიცვათ ყველა რეკომენდაცია და ყველაზე მთავრი რეკომენდაცია ეს გახლავთ სოციალური დისტანცია, საზოგადოებრივი და პირადი ჰიგიენის მაქსიმაურად დაცვა. რადგან ამაზე მძლავრი იარაღი, რასაც ჰქვია სოციალური დისტანცია, სამწუხაროდ კოვიდთან ბრძოლაში არ არის“,– განმარტა გამყრელიძემ.

24 მარტიდან საქართველოში ყველა სახის საქალაქთაშორისო ტრანსპორტით მოძრაობა აიკრძალა.

[ნუკა სტეფნაძე]