‘ჯერ ყველაფერი წინ არის, პანდემია მთელს მსოფლიოში ვრცელდება’ - გამყრელიძე

ამირან გამყრელიძის თქმით, მომდევნო სამი კვირა კრიტიკული იქნება. იგი პერიოდს ქვეყანაში პირველი ინფექციის შემთხვვების დაფიქსირებისა და შიდა გვრცელებიდან ითვლის.

„პირველი შემთხვევა 26 თებერვალს დაფიქსირდა, 22 მარტს შიდა გავრცელების შემთხვევა დავაფიქსირეთ, როცა ვერ გავედით პირველწყაროზე. შიდა გავრცელებიდან დაწყევული მეექვსე- მერვე კვირამდე ითვლება კრიტიკულ კვირებად. დღეს ჩვენ შევედით მეხუთე კვირაში, ამიტომ აპრილის ბოლოს, მაისის პირველი კვირები მოსალოდბელია იყოს ინფექციის შემთხვევების კიდევ ზრდა“, - ამბობს გამყრელიძე.
მისივე თქმით, საქართველო იმ 210 ქვეყანას შორისაა, რომლებიც პანდემიას ებრძვიან.

„ორ მილიონ ნახევარი ადამიანია დაიფიცირებული, 6.8%-მდე ავიდა გლობალურად სიკვდილიანობის მაჩვენებელი. მოგიწოდებთ ყველას და გთხოვთ, რომ სლოგანი, რომელიც გესმით, „დავრჩეთ სახლში“, ძალაშია და ის იქნება ძალაში კარგა ხანს“.

მისივე თქმით, სხვა ქვეყნების გამოცდილებიდან გათვალისწინებით პანდემიის შეჩერების ერთადერთი გზა სოციალური დისტანცირებაა.
„საკმაო მარაგია ქვეყანაში შექმნილი PCR ტესტების, რომ ადრეულ ეტაპზე გამოვვალინოთ ინფიცირებული ადამიანები. ერთი წუთით მოდუნების უფლება არ გვაქვს, შემთხვევების ზრდა იქნება, მაგრამ არ გვინდა რომ ეს იყოს რამდენიმე ათეული, ასეული, რომელიც ძალიან მძიემე ტვირთად იქცევა ჯანდაცვის სისტემისთვის. ვინც შედეგს მიაღწია, სოციალური დისტანცირებით მიაღწია. ჯერჯერობით ვაქციან არაა, მიმდინარეობს მუშაობა, მაგრამ ერთი წელი მაინც არ იქნება“, - განაცხადა გამყრელიძემ.

[თაკო ფეიქრიშვილი]