რაც ბოლო 4–5 დღის განმავლობაში ხდება ეს იყო პროგნოზირებადი – გამყრელიძე შემთხვევების მატებაზე

„ზოგადად რაც ბოლო ოთხი–ხუთი დღის განმავლობაში ხდება, როცა ჩვენ გვაქვს 10, 11, 15 შემთხვევა ეს პრინციპში, პროგნოზირებადი იყო, არ არის მოულოდნელობა. იხსნება ეკონომიკა, მეტი მობილობაა, ასე უნდა ყოფილიყო, ეს არც პანიკის, არც შეშფოთების საფუძველი არ არის. თუმცა, სიფრთხილე აუცილებლად გვმართებს, ეს ყველაფერი მართვადია და ხაზგასმინთ მინდა გითხრათ, რომ ეპიდსიტუაცია კონტროლირებადია, ჩვენ არფერი პრობლემა არ შეგვექმნება. ჯანდაცვის სისტემა მართავს ამ ინფიცირებულებს“, – განაცხადა ამირან გამყრელიძემ.

როგორც გამყრელიძემ განაცხადა, ვირუსთან მიმართებაში ახალი დინამიკა შეიმჩნევა.

„ისეთი დინამიკა შეიმჩნევა, რომ შედარებით იმატებს მსუბუქ შემთხვევათა რიცხვი, საშუალო და მძიმე შემთხვევათა მიმართებაში. ახალი დადასტურებული შემთხვევები კლინიკურად შედარებით უფრო დამაკმაყოფილებლად მიმდინარეობს. ასევე მინდა გითხრათ, რომ მეცნიერების გარკვეული ჯგუფები ემხრობა იმას, რომ თანდათანობით ვირუსის აგრესიულობა იკლებს“, – აღნიშნა გამყრელიძემ.

რაც შეეხება მეორე ტალღას გამყრელიძე ამბობს, რომ, როგორც რესპირაციული ვირუსი შესაძლოა ოქტომბრის მეორე ნახევრიდან ვირუსის გააქტიურება მოხდეს. ასევე მთავრობის მიერ გამრთულ ბრიფინგზე განმარტა, რომ მთავრობის ახალი დადგენილება დამტკიცდება, რომელიც შეეხება ტესტირების გაფართოებას ქვეყნაში.

„ტესტირებას თებერვალში რომ ვიწყებდით დღეში იყო 27, მაისსში და ივნისში დღიურად უკვე ვატრებთ 1500–ის ფარგლებში. რაც სერიოზული გაფართოებაა. დღეიდან ეს კიდევ უფრო გაფართოვდება და მეტი რისკჯგუფი ჩაერთვება. ჩვენი ყოველდღიური მოწოდება, რომ ვისაც ტემპერატურა დაუფიქსირდება მიმართონ ცხელების ცენტრებს. უკვე ხვალ–ზეგიდან შესაძლებელი იქნება, რომ 25 პოლიკლინიკურ დაწესებულებას მიმართონ საქართველოს მსაშტაბით“, – ამბობს გამყრელიძე.

როგორც, გამყრელიძემ აღნიშნა PCR ტესტირების რაოდნობა აპრილთან შედარებით მაისსა და ივნისში გაოთხმაგდა. მისივე განმარტებით თებერვალში, როცა ვირუსი დაიწყო ქვეყანაში დღეში 27 ტესტი ტარდებოდა, მარტში 73, აპრილში 473, ხოლო მაისსა და ივნისში დღიურად 1500–მდე მოქალაქე იტესტება.

[ნუკა სტეფნაძე]