სოციალურად დაუცველი თვითდასაქმებულებიც მიიღებენ ერთჯერად დახმარებას – თამარ ბარკალაია

„ამ მოკლევადიანი დახმარების მიზენებისათვის, ჩვენ არ ვაკეთებთ დადარებას სოციალური გასაცემლებისა და უმუშევრობის გასაცემლების. იმიტომ რომ სოციალურად დაუცველები ვინც რეგისტრირდებიან [როგორც თვითდასაქმებული] მათი მოწყვლადობა არის უკვე გამოკვლეული და მიუხედავად მათი შემოსავლის წყაროსი, ისინი მაინც სოციალურად დაუცველებად ითვლებიან, შინამეურნეობის მდგომარეობის მიხედვით. შესაბამისად თვითდასაქმებულთა რეგისტრაცია არანაირ გავლენას არ მოახდენს მათ სოციალურ სტატუსზე", – განაცხადა თამარ ბარკალაიამ.

მინისტრის მოადგილის განმარტებით, სოციალურად დაუცველებისთვის თვითდასაქმება, არც აქამდე იყო მათთვის სტატუსის შეჩერების საფუძველი. მისივე თქმით არაფორმალურ სექტორში, სოციალურად დაუცველთა 40–45% –ია დასაქმებული: „სოციალურად დაუცველთა შემოსავალი ჯერ კიდევ 2019 წლიდან აღარ ითვლება ავტომატურად ბაზიდან ამოდგების საგნად. ჩვენ ამით წავახალისეთ სოციალურად დაუცველი მოსახლეობის დასაქმება“.


მთავრობის ეკონომიკური ანტიკრიზისული გეგმის მიხედვით, მოქალაქეებს, რომლებიც პანდემიამდე არაოფიციალურად იღებდნენ შემოსავალს, კოპენსაციის სახით, ერთჯერადად 300 ლარი დაერიცხებათ. ამისთვის ბიუჯეტში 75 მილიონი ლარია მობილიზებული.

გეგმით გათვალისწინებულია ასევე ოფიციალურად დასაქმებულთა დახმარებაც (ვინც სამსახური პანდემიის გამო დაკარგა) 1 200 ლარის ოდენობით (200 ლარი 6 თვეში).

კორონავირუსით გამოწვეული კრიზისის მართვა მთავრობას ბიუჯეტიდან ჯამში 3,5 მილიარდი ლარი დაუჯდება.

[რობი ზარიძე, ახალციხე]