COVID-19: რამდენ ლარს მიიღებენ სოციალურად დაუცველი ოჯახები

ჯანდაცვის სამინისტროს ინფორმაციით, სოციალური მომსახურების სააგენტოს ბაზის მიხედვით, საკომპენსაციო თანხა ჩაერიცხებათ 65 000-დან 100 000-ის ჩათვლით სარეიტინგო ქულის მქონე ოჯახებისთვის, ოჯახის ერთ წევრზე.

კერძოდ:

• ერთ წევრიან ოჯახზე თვეში კომპენსაცია იქნება 70 ლარი;
• 2 წევრიან ოჯახზე - 90 ლარი;
• 3 წევრიან ოჯახზე - 105 ლარი;
• 4 წევრიან ოჯახზე - 140 ლარი;
• 5 წევრიან ოჯახზე - 175 ლარი;
• 6 წევრიან ოჯახზე - 210 ლარი;
• 7 წევრიან ოჯახზე - 245 ლარი;
• 8 წევრიან ოჯახზე - 280 ლარი;
• 9 წევრიან ოჯახზე - 315 ლარი;
• 10 წევრიან ოჯახზე - 350 ლარი;
• 11 წევრიან ოჯახზე - 385 ლარი;
• 12 წევრიან ოჯახზე - 420 ლარი;
• 13 წევრიან ოჯახზე - 455 ლარი;
• 14 წევრიან ოჯახზე - 490 ლარი;
• 15 წევრიან ოჯახზე - 525 ლარი;

კომპენსაცია ჩაირიცხება ოჯახების/პირების უკვე არსებულ ან ახლად გახსნილ სს “ლიბერთი ბანკის” ანგარიშებზე.

მონაცემები განსხვავებულია, თუკი 100 000 ქულის ჩათვლით სოციალურად დაუცველ ოჯახში სამი ან მეტი 16 წლამდე ბავშვი ცხოვრობს: „სოციალური მომსახურების სააგენტო, ყოველთვიურად ბავშვებზე დანიშნულ დახმარებასთან ერთად, ამ ოჯახებს დამატებით ჩაურიცხავს 100 ლარს“.

მკვეთრად გამოხატული შეზღუდული შესაძლებლობის მქონე პირები, ასევე 18 წლამდე შეზღუდული შესაძლებლობის მქონე ბავშვები ყოველთვიურად სოციალური პაკეტით განსაზღვრულ დახმარებასთან ერთად 100 ლარს მიიღებენ.

შშმ პირების, 65 00-დან 100 000 სარეიტინგო ქულის ჩათვლით ოჯახების და 100 000 სარეიტინგო ქულის ჩათვლით მრავალშვილიანი ოჯახების საკომპენსაციო პაკეტების მიღება შესაძლებელია ერთდოულად.

მაგ. თუ ექვსსულიანი ოჯახის სარეიტინგო ქულა არის 80 000, ჰყავთ სამი 16 წლამდე ბავშვი და ამავდროულად ოჯახის ერთი წევრი არის მკვეთრად გამოხატული შშმ პირი ან შშმ ბავშვი, ასეთი ოჯახი მიიღებს სამივე დახმარებას და ოჯახის ჯამური საკომპენსაციო პაკეტი შეადგენს 2 460 ლარს, რომელიც ჩაერიცხება 6 თვის განმავლობაში, თვეში 410 ლარის ოდენობით.

შშმ პირების, 65 001-დან 100 000 სარეიტინგო ქულის ჩათვლით ოჯახების და 100 000 სარეიტინგო ქულის ჩათვლით მრავალშვილიანი ოჯახების საკომპენსაციო პაკეტების მიღება არ ზღუდავს დამატებით ერთ-ერთის - საგადასახადო შეღავათის, დაქირავებით დასაქმებულის ან თვითდასაქმებულის კომპენსაციის მიღების შესაძლებლობას.

[თაკო ფეიქრიშვილი]