უმუშევრად დარჩენილ ადამიანებს 6 თვის განმავლობაში 200 ლარით დავეხმარებით – გახარია

ის ადამიანები, რომლებიც მუშაობდნენ და კორონავირუსის პანდემიის გამო, სამსახური დაკარგეს, თვეში 200 ლარს მიიღებენ. აღნიშნული დახმარება 6 თვის განმავლობაში გაგრძელდება.

„ყველა ის დაქირავებით დასაქმებული პირი, რომელმაც კრიზისის პერიოდში საგანგებო მდგომარეობის გამოცხადების შემდგომ დაკარგა სამსახური და აღარ აქვს შემოსავალი, მიიღებს დახმარებას სახელმწიფოს მხრიდან 1200 ლარის ოდენობით 6 თვის განმავლობაში, რაც ნიშნავს იმას, რომ ყოველთვიურად მიიღებენ 200 ლარს“,- განაცხადა უწყებათაშორის საკოორდინაციო საბჭოსთან არსებული ანტიკრიზისული ეკონომიკური ჯგუფის სხდომაზე გიორგი გახარიამ.

მთლიანობაში მთავრობა მიზნობრივი სოციალური დახმარებისთვის 460 მილიონს გამოყოფს. ამ თანხით, მათი გაანგარიშებით, დაახლოებით 350 000 მოქალაქეს დაეხმარებიან.

პრემიერის თქმით, ე.წ „ზრუნვის პაკეტი“, საქართველოს მთავრობამ თითოეული მოქალაქისთვის შეზღუდული რესურსებიდან, ეკონომიკის სიმცირიდან გამომდინარე შეადგინა.

[sknews.ge]