მთავრობამ კრიზისული მენეჯმენტისთვის 3 მილიარდ 500 მილიონი ლარი გამოყო

ანტიკრიზისული ეკონომიკური გეგმის წარდგენისას, პრემიერმა გიორგი გახარიამ კრიზისის პერიოდში, მთავრობის მიერ განსაზღვრული მიმართულებების შესახებ ისაუბრა.

„ჯამში კრიზისული მენეჯმენტისთვის, სადაც არ იგულისხმება პოსტკრიზისული ეკონომიკური აღდგენა, ქვეყანა დახარჯავს 3 მილიარდ 500 მილიონ ლარს“

თანხა მთავრობამ ასე გადაანაწილა:

1 მლიარდ 500 მილიონი - მოქალაქეებზე ზრუნვა და მათი სოციალური მხარდაჭერა;
2 მილიარდ 110 მილიონი ლარი - ეკონომიკაზე ზრუნვა და მეწარმეობის მხარდაჭერა;
ჯანდაცვის სისტემის გაძლიერება და პანდემიასთან ბრძოლა - 350 მილიონი ლარი.

„ორი ფრონტია, ჯანმრთელობა და ეკონომიკის გადარჩენა, ყველას კარგად გვესმის, რომ არანაირი აზრი, ცალკე აღებული რომელიმე ფრონტზე გამარჯვებას, გრძელვადიან პერსპექტივაში არ აქვს. იმ მდგომარეობაში ვართ, რომ უნდა გავიაზროთ სრულად უნდა გავიმარჯვოთ ერთი მიმართულებითაც და მეორე მიმართულებითაც“, - განაცხადა პრემიერმა.

[თაკო ფეიქრიშვილი]