25 ახალი შემთხვევა მასშტაბური კვლევის შედეგია – მარინა ეზუგბაია

თბილისის ინფექციური საავადმყოფოს სამედიცინო პერსონალი, ფოტო: პარლამენტის ეროვნული ბიბლიოთეკა

„ჩატარდა ძალიან დიდი რაოდენობით კვლევა მთელი ქვეყნის მასშტაბით, ეს იყო აგრესიული კვლევის შედეგები და პლუს ბოლნისის ყველა კონტაქტის კვლევა. ერთდროულად იყო ჩატარებული ტესტის მნიშვნელოვნად დიდი რაოდენობა წინა დღეებთან შედარებით და ეს 25 ახალი შემთხვევა ამ ჯამური მონაცემის შედეგია. ვიმედოვნებთ, რომ შემდგომ დღეებში აგრესიული ტესტის გარეშე ჩატარდება კვლევები და ეს მაჩვენებელი ასეთი არ იქნება”, - განაცხადა ეზუგბაიამ.

მისი განმარტებით, 25 ახალი შემთხვევიდან ოთხი ინფექციურშია მოთავსებული.

“ჩვენთან გუშინ მოთავსდა ოთხი პაციენტი, აქედან ორი მოზარდია - შვიდი ბავშვი გვყავდა, კიდევ ორი დაგვემატა და ცხრა მოზარდი გვყავს. ორი მოზარდი მსუბუქი სიმძიმითაა. ერთ-ერთს აქვს დაბალი ტემპერატურა 37,3. მეორეს ტემპერატურაც არ აქვს, ჩივილები უმნიშვნელოდ გამოხატულია, დანარჩენი ორი ახალი პაციენტის მდგომარებას რაც შეეხება, ერთთან პნევმონიაა, მეორესთან კი არა, მაგრამ არის საშუალო სიმძიმის”, - აღნიშნა ეზუგბაიამ.

სამედიცინო დაწესებულებაში კრიტიკული პაციენტები ამ ეტაზე არ ჰყავთ. ინფიცირებულებიდან 17 მძიმე პნევმონია აქვს.

[sknews.ge]