‘სამ პაციენტთან ძალიან მძიმე პნევმონია გვაქვს’ - ეზუგბაია

ფოტო:საქართველოს პარლამენტის ეროვნული ბიბლიოთეკა

„ჩვენთან გუშინ დღე-ღამის განმავლობაში ექვსი ახალი პაციენტი დაგვემატა, ე.წ. ქობულეთის კლასტერიდან შემოვიდა ხუთი პაციენტი, რომელთაგან ერთი მოზრდილია და ოთხი მოზარდია, მათი მდგომარეობა ჯერჯერობით, დამაკმაყოფილებელია და იმედი გვაქვს, რომ ასე გაგრძელდება და კიდევ ერთი შემოგვემატა სხვა კლასტერიდან. ორი კლასტერი შემოგვემატა, ერთი ქობულეთი და მეორეს წყარო ჩემთვის უცნობია”, - განაცხადა ინფექციური საავადმყოფოს სამედიცინო დირექტორმა, მარინე ეზუგბაიამ.

მისივე თქმით, გუშინ, 13 აპრილს, 266 პაციენტი იყო დადასტულებული, რასაც დაემატა 30 დადასტურებული შემთხვევა და დღეს დილისთვის 296 -ია, აქედან ქვეყნის მასშტაბით 68 გამოჯანმრთელებულია.

„ჩვენთან ერთ-ერთი ტაძრის მამაოს ჩაუტარდა კვლევa და ნეგატიური პასუხი მივიღეთ. გადავიყვანეთ იზოლირებულად სხვა განყოფილებაში. დღეს დილით მას არ აქვს ტემპერატურა და შეიძლება დატოვოს კლინიკა“, - აცხადებს ეზუგბაია.

მისივე თქმით, კლინიკაში პაციენტების 60%-ზე მეტს პნევმონია აქვს, არიან მძიმე და კრიტიკულ სიტუაციებში მყოფი პაციენტებიც.
სამი პაციენტის მდგომარეობა კრიტიკულად მძიმეა.

[თაკო ფეიქრიშვილი, ახალციხე]