კორონავირუსით ინფიცირებული 9 თვის ბავშვი თავს კარგად გრძნობს

„კლინიკაში გვყავს ექვსი არასრულწლოვანი გვყავს და მათ შორის ერთი ყველაზე პატარაა მინდა გითხრათ, რომ ის ყველაზე კარგად გრძნობს თავს, რაც შეეხება დანარჩენებს მათი მდგომარეობაც დამაკმაყოფილებელია“,– განაცხადა ეზუგბაიამ.

დედას და ცხრა თვის ბავშვს კორონავირუსი 13 აპრილს დაუდასტურდათ.

თბილისის ინფექციურ საავადმყოფოში COVID 19–ით ინფიცირებული პაციენტებიდან ორის მდგომარეობა კვლავ მძიმეა. უმეტესობას კი პნევმონია აქვს.

„ორი მძიმე პაციენტი გვყავს დაახლოებით კრიტიკულს, რომ უახლოვდება. გუშინდელს მერე მათი მდგომარეობა სტაბილურია, დაავადების პროგრესირება არ არის. ასევე გვყავს საკმაო რაოდენობის პაციენტები, რომლებსაც პნევმონია აქვთ“,– თქვა მარინა ეზუგბაიმ.

11:30 საათის მონაცემებით ქვეყანაში კორონავირუსით ინფიცირების 306 შემთხვევაა გამოვლენილი, აქედან 69 გამოჯანმრთელდა, სამი კი გარდაიცვალა.

[ნუკა სტეფნაძე, ახალციხე]