საქართველოში კორონავირუსით ინფიცირებული 54 პაციენტიდან 5 ბავშვია

მცირეწლოვანის ინფიცირების მეხუთე შემთხვევა დღეს, 22 მარტს გამოვლინდა. ინფექციურ საავადმყოფოში აცხადებენ, რომ ხუთვე პაციენტის მდგომაროება დამაკმაყოფილებელია.

„უკვე ხუთი ბავშვი გვყავს ჩვენ ცენტრში და ხუთივეს მდგომარეობა მართვას ექვემდებარება“, – განმარტა ჟურნალისტებთან თბილისის ინფექციური საავადმყოფოს სამედიცინო დირექტორმა, მარინა ეზუგბაიამ.

ცნობისთვის, 22 მარტის 13:00 საათის მონაცემებით, საქართველოში კორონავირუსით ინფიცირების 54 შემთხვევაა გამოვლენილი, აქედან სამი პაციენტი უკვე გამოჯანმრთელდა. ქვეყანაში პირველი ინფიცირებული 26 თებერვალს დაფიქსირდა.

[sknews.ge]