ახალციხის ‘ცხელების ცენტრში’ მყოფ 6 პაციენტს კორონავირუსი არ დაუდგინდა

კლინიკა „იმედის“ დირექტორის გიორგი ბარძიმაძის განცხადებით, ლუგარის ლაბორატორიაში გაგზავნილი ანალიზებიდან, პასუხს ეტაპობრივად იგებენ, დღის განმავლობაში პაციენტების ბიოლოგიური მასალა კიდევ გაიგზავნება.

რაც შეეხება ბორჯომის „ცხელების ცენტრს“, აქაც სამივე პაციენტის ანალიზის პასუხი უარყოფითია.

აბასთუმნის ფილტვის ცენტრში, რომელიც „ცხელების ცენტრად“ გადაკეთდა პაციენტები არ ჰყავთ.

სამცხე–ჯავახეთში კორონავირუსის პირველი შემთხვევა 16 აპრილს დაფიქსირდა. რეგიონში COVID-19-ის სულ ექვსი შემთხვევაა გამოვლენილი, ერთი ადგილობრივია, ხუთი კი საქართველოს სხვა რეგიონების მცხოვრებია.

[ნუკა სტეფნაძე, ახალციხე]