თბილისის ინფექციურ საავადმყოფოში მძიმე პაციენტების რაოდენობა 17–მდე გაიზრდა

„ჩვენგან დღეს ერთი პაციენტი გაეწერება და დაგვრჩება 45 დადასტურებული შემთხვევა. ჩვენ გვყავდა ორი მძიმე პაციენტი, რომელიც იყო კრიტიკულთან მიახლოებული, მათი მდგომარეობა ერთი კვირის განმავლობაში უკვე სტაბილურია და დღეს შეიძლება განვიხილოთ როგორც მძიმე პაციენტებად. შვენთან სულ არის 17 მძიმე ავადმყოფი. რაც შეეხება დანარჩენებს, ისინი მსუბუქი და საშუალო სიმძიმის პაციენტები არიან“,–განაცხადა მარინა ეზუგბაიამ.

ეზუგბაიამ ასევე აღნიშნა, რომ მოზარდების მდგომარეობა, რომელებიც მათ კლინიკაში მკურნალობენ, დამაკმაყოფილებელია და ამ დროის განმავლობაში ცვლილებები არ ყოფილა.

კლინიკაში გამოჯანმრთელების რვა შემთხვევას ელოდებიან. დღეს დადასტურებული სამი ახალი შემთხვევიდან მათ კლინიკაში არცერთი არ იმყოფება.

22 აპრილის 11:00 საათის მონამცემებით stopcov.ge- ზე ასე გამოიყურება:
• კორონავირუსის დადასტურებული შემთხვევა - 411
* მათ შორის გამოჯანმრთელებული -98
* მათ შორის გარდაცვლილი- 5
* კარანტინის რეჟიმში - 5160
* სტაციონარში მეთვალყურეობის ქვეშ - 579
* უცხოეთიდან სამკურნალოდ გადმოყვანილი საქართველოს მოქალაქეები- 3

საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე, ახალციხე]