სამცხე–ჯავახეთში კარანტინსა და თვითიზოლაციაში 230 ადამიანია

საკარანტინო სივრცეებიდან კვლავ ცარიელია აბასთუმნის ფილტვის ცენტრი, რომელიც ერთ–ერთი პირველი საკარანტინო ზონა იყო რეგიონში. 23 ადამიანი დარჩა ახალციხეში, სასტუმრო „გრანდ პალასში“ მოწყობილ საკარანტინო ზონაში, ბაკურიანის სასტუმროში კი 186 ადამიანს აკვირდებიან.

როგორც სახელმწიფო რწმუნებულის აპარატის ხელმძღვანელი, გიორგი მიქელაძე განმარტავს, სიმპტომების აღმოჩენის შემთხვევაში, მოქალაქეებს შესაბამის კლინიკაში გადაიყვანენ, თუმცა ამ დროისთვის საეჭვო სიმპტომები არც ერთ მათგანს აღენიშნება.

Covid-19–ის სიმპტომები არ აღენიშნებათ არც თვითიზოლაციაში მყოფ პირებს.

ახალქალაქში თვითიზოლაციაში მყოფი შვიდი ადამიანი იმყოფება, ნინოწმინდაში კი ორი. ორივე მათგანს თვითიზოლაციის პერიოდი ხვალ, რვა აპრილს უმთავრდება.

ბორჯომში თვითიზოლაციაში კვლავ შვიდი ადამიანი რჩება, ახალციხეში კი მათი რაოდენობა ხუთია. სხვა მუნიციპალიტეტებში თვითიზოლაციაში აღარავინაა.

[რობი ზარიძე, ახალციხე]