რამდენი პირია სამცხე-ჯავახეთში კარანტინსა და თვითიზოლაციაში

ბაკურიანში არსებულ საკარანტინო ზონებში 183 პირს აკვირდებიან, ახალციხეში სასტუმრო „გრანდ პალასში“ კი ექვს მოქალაქეს.

რაც შეეხება თვითიზოლაციას, ახალციხეში ორი პირი იმყოფება. ბორჯომში კი ერთი.

ბორჯომის საზოგადოებრივი ჯანდაცვის ცენტრის ხელმძღვანელის, მანანა რატიანის განმარტებით, თვითიზოლაციაში ტრაილერის მძღოლი იმყოფება, გარდა ამისა აკვირდებიან 24 მოქალაქეს, რომლებსაც კორონავირუსით ინფიცირებულ კაცთან პირდაპირი და ირიბი კონტაქტი ჰქონდათ: „გატესტილებს არ აქვთ მინიჭებული თვითიზოლაციაში მყოფის სტატუსი, ოფიციალურად თვითიზოლაციაში ერთი ტრაილერის მძღოლი გვყავს“.

ამ დრომდე სამცხე–ჯავახეთში კორონავირუსით ინფიცირების 10 შემთხვევაა გამოვლენილი, აქედან ოთხი ადგილობრივია, ექვსი კი საქართველოს სხვადასხვა რეგიონის მცხოვრები.

ქვეყანაში კორონავირუსით ინფიცირების შემთხვევათა რაოდენობა 796–ია, აქედან გამოჯანმრთელდა 634 ადამიანი, გარდაიცვალა 12.

[მარიამ ბარძიმაძე, ახალციხე]