სამცხე–ჯავახეთში თვითიზოლაციაში მყოფი პირების რაოდენობა 11–ით გაიზარდა

თვითიზოლაციაში ყველაზე მეტი, პირი 14 ბორჯომში იმყოფება, ხოლო 7–7 მოქალაქეა ახალქალაქსა და ასპინძაში.

ადიგენსა და ნინოწმინდაში თვითიზოლაციაში არავინ იმყოფება.

რაც შეეხება საკარანტინო ზონებს, რეგიონში სულ შვიდია, გუშინ, 20 აპრილს ახალციხის საკარანტინო ზონაში, სასტუმრო „გრანდ პალასში“ უცხოეთში მყოფი საქართველოს 71 მოქალაქე შეიყვანეს. ბაკურიანის ხუთ სასტუმროში კი 399 პირი რჩება.

დაემატება თუ არა სამცხე–ჯავახეთში არსებულ შვიდ საკარანტინო ზონას საქართველოს მოქალაქეები, რომლებიც დღეს რომიდან ბრუნდებიან, უცნობია. როგორც სამცხე–ჯავახეთის სახელმწიფო რწმუნებულის აპარატის ხელმძღვანელი, გიორგი მიქელაძე ამბობს, ეს მოქალაქეების ჩამოყვანის შემდეგ გახდება ცნობილი.

[ნუკა სტეფნაძე, ახალციხე]