სამცხე–ჯავახეთში კიდევ ერთი საკარანტინო ზონა დაემატა

407 პირს აკვირდებიან ბაკურიანის ხუთ საკარანტინო ზონაში. ახალციხესა და აბასთუმანში კი კარანტინში მყოფი პირების რაოდენობა ყოველდღიურად იკლებს. დღეის მდგომარეობით აბასთუმნის ფილტვის ცენტრში 11 ადამიანი იმყოფება. ახალციხეში, სასტუმრო „გრანდ პალასში“ კი 58–ია.

თვითიზოლაციაში ყველაზე მეტი, 234 პირი კვლავ ახალქალაქში იმყოფება. ნინოწმინდაში – 131; ბორჯომში – 20; ადიგენსა და ასპინძაში 10, ახალციხეში კი იზოლირებული 23 ადამიანია.

ამ დროისთვის საქართველოში კორონავირუსის 110 შემთხვევაა დადასტურებული. აქედან 21–მა შეძლო ვირუსის დამარცხება. კარანტინის რეჟიმში 4 995 პაციენტი იმყოფება, ხოლო სტაციონალური მეთვალყურეობის ქვეშ 278.

დღეიდან, 31 მარტიდან ქვეყანაში საყოველთაო კარანტინია გამოცხადებული, იკრძალება სამზე მეტი ადამიანის შეკრება, 21:00 საათიდან 06:00 საათამდე კი კომენდანტის საათი მოქმედებს.

[რობი ზარიძე, ახალციხე]