სამცხე–ჯავახეთში კარანტინსა და თვითიზოლაციაში მყოფ პირებს COVID 19-ის სიმპტომები არ აღენიშნებათ

რეგიონის მასშტაბით თვითიზოლაციაში ყველაზე მეტი, 36 პირი ახალქალაქში იმყოფება, ახალციხეში – 8, ბორჯომში – 7, ნინოწმინდაში – 20, ადიგენში ერთი, ასპინძაში კი ამ ეტაპზე არ ჰყავთ.

ჯანდაცვის ცენტრების ინფორმაციით, კორონავირუსის სიმპტომები არცერთ მათგანს აღენიშნება.

სამცხე–ჯავახეთში კარანტინში დღეს საღამოს მონაცემებით 493 ადამიანი იმყოფება. აქედან ბაკურიანის ხუთ სივრცეში 439–ს, დანარჩენებს კი ახალციხეში, სასტუმრო „გრანდ პალასში“ აკვირდებიან. აბასთუმნის ფილტვის ცენტრი კი, რომელიც თავდაპირველად გამოცხადდა საკარანტინე ზონად, დღეის მდგომარეობით ცარიელია.

ამ დროისათვის, საქართველოში კორონავირუსის 148 დადასტურებული, 27 გამოჯანმრთელების და არცერთი გარდაცვალების შემთხვევაა.

კორონავირუსის გავრცელების გამო, ქვეყანაში საგანგებო მდგომარეობა 21 მარტიდან მოქმედებს, 31 მარტიდან კი სრული საკარინტინო რეჟიმი და ე.წ კომენდანტის საათი გამოცხადდა. მოქალაქეებს 21:00 დან 06:00 –მდე ეკრძალებათ გადაადგილება.

[რობი ზარიძე, ახალციხე]