კორონავირუსით ინფიცირებულთა რიცხვი 174-მდე გაიზარდა

“დილით დადასტურებული შემთხვევა 170 იყო. ჩვენს ცენტრში დღეს ჩატარდა 15 პაციენტზე ტესტირება და 4 პაციენტთან დადებითი შედეგი მივიღეთ. ამ ეტაპზე შეგვიძლია ვთქვათ, რომ 174 პაციენტია დადასტურებული კორონავირუსზე. ამ ოთხი პაციენტის წყარო სხვადასხვაა. ერთი პაციენტის წყარო არის სომხეთიდან ჩამოსული პირი, რომელიც ჩვენთან მკურნალობს, დანარჩენი სამი პაციენტის წყარო არის ეროვნული ბანკი. ამ პაციენტების ზოგადი მდგომარეობა ჯერჯერობით მძიმე არ არის, მათი მდგომარეობა სტაბილურია და გამოკვლევების შედეგებით შესაძლებელი იქნება შეფასდეს საბოლოოდ, როგორი იქნება მათი ზოგადი მდგომარეობა. 4 პაციენტის გარდა, ყველა პასუხი ნეგატიური იყო“,- აცხადებს ეზუგბაია.

შეგახსენებთ, საქართველოში დღეს კორონავირუსით ინფიცირებული მეორე პაციენტი გარდაიცვალა.
ამ ეტაპზე, მთავრობის მიერ შექმნილ საიტზე მონაცემები ასეთია:

კორონავირუსის დადასტურებული შემთხვევა - 174
მათ შორის გამოჯანმრთელებული - 36
მათ შორის გარდაცვლილი- 2
კარანტინის რეჟიმში - 5067
სტაციონარში მეთვალყურეობის ქვეშ - 330

[sknews.ge]