'6 პაციენტის მდგომარეობა არის ძალიან მძიმე და შეიძლება ჩაითვალოს კრიტიკულად' - ეზუგბაია

ექვსი მძიმე პაციენტიდან, ინფექციურში ოთხი მათგანი მკურნალობს.

"ქვეყანაში ინიფცირებული 97 პაციენტიდან, ექვსის მდგომარეობა არის ძალიან მძიმე და მათ შორის კრიტიკული შეძლება ჩაითვალოს. ჩვენთან ამ მძიმე პაციენტებიდან ოთხი ავადმყოფი რჩება, ორის მდგომარეობა კრიტიკულია, მაგრამ გუშინვე აღვნიშნეთ, რომ დასტაბილურდა. დღეს ჯერ კიდევ თავს ვიკავებთ ვთქვათ, რომ მათი მდგომარეობა გაუმჯობესებულია იმიტომ, რომ დღეს იქნება მეორე დღე მათი მდგომარეობის შეფასების, როგორც სუბიექტური, ობიექტური, ისე ლაბორატორიული მონაცემებით. და თუ დღევანდელ დღესაც მათი მდგომარეობა ასეთი სტაბილური იქნება, შეიძლება ვთქვათ, რომ ალბათ უკვე უნდა ველოდეთ მათი მდგომარეობის გაუმჯობესებას და გამოჯანმრთელების პროგნოზიერება შესაძლებელი იქნება", - აღნიშნა მარინა ეზუგბაიამ.

მისი თქმით, კორონავირუსზე პაციენტებს ანალიზებს კლინიკაშივე უკეთებენ, გუშინ 29 მარტს იმ პირებს ჩაუტარდათ გამოკვლევა, რომელთა გამოჯანმრთელებასაც უახლოეს დღეებში ელოდებიან.

„21 პაციენტს ჩაუტადა გამოკვლევა, სამწუხაროდ ჯერჯერობით მათთან მხოლოდ კონცენტრაცის შემცირება დაფიქსირდა“, – განაცხადა ეზუგბაიამ.

30 მარტის დილის მონაცემებით, ქვეყანაში კორონავირუსის 97 დადასტურებული შემთხვევაა. მათ შორის გამოჯანმრთელდა 18, კარანტინის რეჟიმშია 4 972, ხოლო სტაციონარში მეთვალყურეობის ქვეშ - 266.

[ნუკა სტეფნაძე, ახალციხე]