კორონავირუსით ინფიცირებული ახალი პაციენტების მდგომარეობა სტაბილურია – მარინა ეზუგბაია

18 მარტის დილის მონაცემებით, საქართველოში კორონავირუსით ინფიცირების 38 შემთხვევაა დაფიქსირებული.

კორონავირუსით დაინფიცირებული ოთხი ახალი პაციენტიდან, ორი ინფექციურ საავადმყოფოში მკურნალობს.

„ოთხი ახალი ინფიცირებულიდან ჩვენთან წევს მხოლოდ ორი. მათი ზოგადი მდგომარეობა ჯერჯერობით სტაბილურია. ორ ინფიცირებულთან შეინიშნება მხოლოდ ტემპერატურის მატება, დაბალი ციფრებით, 37-დან - 37,5-მდე და მინიმალურად გამოხატული კლინიკა. თავდაპირველად შემოსულ ტესტებში ლაბორატორიულად მნიშვნელოვანი ცვლილება არ არის, მაგრამ ჩვენ ამას ველით დაავადების დაწყებიდან მომდევნო დღეებში. ვნახოთ პირველი სამი დღის განმავლობაში როგორი დინამიკა გვექნება ამ ორი ახალი პაციენტის“, - განაცხადა ეზუგბაიამ.

მისი თქმით, ინფექციურ საავადმყოფოში კორონავირუსის დიაგნოზით ჯამში 31 პაციენტი შეიყვანეს, მათ შორის ოთხი მათგანი 14 წლამდეა.

31 პაციენტიდან ერთი, შუახნის კაცი, რომელსაც ქვეყანაში პირველს დაუდასტურდა კორონავირუსი, კლინიკიდან უკვე გაწერეს, იგი თვითიზოლაციაშია და თავს კარგად გრძნობს.

ასევე გირჩევთ:

‘ერთ პირის ინფექციის გადაცემის წყარო უცნობია’ - ეზუგბაია

აშშ-ში კორონავირუსის ვაქცინის ტესტირება დაიწყო

[sknews.ge]